You are here

Сұрақ-жауап

  • Сұрақ №: 45823
    Дата: 04.09.2018 13:34:53
    Аты-жөні: Исатаева Нуризат
    Сұрақ:
    Саламатсыз ба? Менің хатымды қараусыз қалдырмауыңызды өтініп сұраймын. Мен Исатаева Н.А.,1991тж, Алматы көпсалалы клиникалық ауруханасы, көш: Демченко 83, қабылдау бөлімінде кезекші дәрігер-терапевт қызметін 01.05.18ж бері атқарудамын. 11.08.2018ж күнгі кезекшілігімнің 12.08.2018ж қараған түнінде, сағат 01/30 шамасында келген науқастың әкесі Омиралиев Саламат Мусаевич, 27.05.1974ж-инн 740527302510, телефон 87016018430, көлігі-862YFA/02, деген азамат менің сол аяғымнан себепсіз теуіп, сол бетімнен қолымен ұрып, бірнеше ауыр тиетін балағат сөздер айтып намысымды жерге таптады, одан мен ол кісіге шағымданатынымды ескерткенімде "ұрсам, тепсем не қылады екен, басың жарылып қалды ма , не көзің шығып кетті ма?" деген дөрекі жауап қайтарды. Сол бойынша 12.08.2018ж түнде 102 хабар беріп, кезекші қызметкерге Медеу ауданының ІІД бастығы Тотыбаев Б.Б. мырзаға арызымды жазып бердім, ол кезекші қызметкер сараптама жасамады, тек 12.08.18 күні менің шақырылатынымды айтты. Бірақ, 12.08.18 маған 1414 нөмірінен арызымның қарастылмайтыны, нарядта тұратыны жазылған, қарсы болған жағдайда 8728-261-46-88 нөміріне хабарласуыма болатындығы жайлы хабарлама келгеннен басқа ештеме де болмады. Ол бойынша 8727-261-46-88 нөміріне бірнеше рет телефон соққанымда тұтқа еш көтерілмеді. Кезекті кезекшілімнен соң мен №82 учаскелік полиция пунктінде жұмыс атқарып жүрген Қуат деген кісіні, кешіріңіз, ол кісінің толық аты-жөнін білмеймін,көшеде жолықтырып, болған жағдайды баяндадым, ол кісіден менің арызымның ол кісінің қолында еместігін және қарастырып, іздестіретіндігін естідім. Нөмірін беріп, үнемі байланыста болуымды және уатсап арқылы ақпараттар жіберуімді өтінді. Учаскелік полиция Қуат деген кісіге, 8707-850-31-60 телефонына өзімнің барлық ақпаратымды уатсап арқылы жібердім. Үнемі хабарласып, сұрап отырдым, тек арызымды таппай жатқандығынан басқа еш жауап алмадым. РОПқа (басқаша қалай аталатынын білмеймін)қайта барып арыз жазуыма 2рет кеңес берді, ол жақта арыздың қабылданбайтындығын сонда барған соң білдім және Талон-хабарлама шығартып алдым, кезекші бөлім менің арызым жөнінде №82 участкелік полиция бөліміндегі қызметкер Қуат деген кісі айналысу керектігін түсіндірді. Телефон арқылы участкелік полиция Қуат деген кісіге қайта хабарласып, болған жағдайды айтып ренішімді білдіргенімде, көмектесетінін айтқан. Тек еш көмек болмады.Оның үстіне №82 учаскелік полиция пунктінде қашан барсам да құлып тұрады, сол жерден учаскелік полиция Қуат деген кісіге телефон соқсам, самса сататын жерге кел деп шақырады, болмаса басқа жақта жүргендігін айтады. Бұл тым өрескелдік сияқты. 28.08.18 күні Медеу ауданы ІІД-не барып арызымды қайта жазып қалдырдым. Талон-хабарлама шығартып алдым. 31.08.18 күні- Кезекші РОП 8727-254-48-72 телефон соғып, арызымның жетпегендігін, 03.09.18 күні келу мүмкіндігі жайлы жауап алдым. Бүгін 04.09.18ж. 8727-25448-72-3 рет телефон соқтым, тұтқа көтерілмеді. Мен өмірімде 1-ші рет арыз жазып- шағымданудамын, сондықтан осындай жағдайда кімге барып көмек сұрарымды білмегендіктен, осы сайтты таптым. Мен Омиралиев Саламат деген, яғни менің намысымды таптаған, кісіге телефон соқтым, тағы да ескерту жасағанымда ол кісі "жасаған ісім үшін жауап беремін, Таразға кетіп бара жатырмын, 31.08.18 Алматыға келемін, "қай участікке арыз қалдырдың?" деп сұрады". Ол кісі жасаған әрекеттері үшін кешірім сұраған емес. №82 Учаскелік полиция бөліміндегі Қуат деген кісіге бірнеше рет телефон соқтым, тұтқаны көтермейді, уатсаптан смс жаздым, жауап жазбайды, ол кісіге неге әрекетсіз отырғандығын сұрап смс жаздым, жауап алмадым. Менің түсінігімде енді осындай ой қалыптасты: Дәрігерлерге кез келген адам қол көтеріп, балағат сөздер айтып, намысын жерге таптауына болатын сияқты, дәрігерді қорлайтын қоғамда адамдар бар, бірақ бұл қоғамда Қазақстан азаматтарының құқығын қорғайтын ағаларымыз әрекетсіз қалып жатыр ма? Неге? Осы сұрағым бойынша тағы кімге хабарласуым керек? Әлде араға журналистерді араластыруым керек пе? Журналисттерге көп жағдайда қолжетімді нәрселер бар дегенім ғой. Мен осы күнге дейін құқығымның тапталғандығы үшін көмек ала алмай отырмын. Менің қолымда: Омиралиев Саламат деген кісінің болған жағдайды мойындағаны жайлы және учаскелік Қуат деген кісімен хабарласқандағы, кезекші бөлімге хабарласқандағы аудиожазбалар бар.
    Жауап күні:
    18 қыркүйек, 2018 - 19:14
    Жауап:
    Н.А. Исатаеваға Құрметті өтініш беруші! Сіздің 04.09.2018 жылғы Алматы қаласы Медеу ауданы ішкі істер басқармасы жанындағы полиция бөлімі (бұдан әрі – АІІБ жанындағы ПБ) жол полиция қызметінің участкелік полиция инспекторы (бұдан әрі – ЖПҚ УПИ) Қ.Халыковтың Сіздің арызыңыз бойынша әрекетсіздігіне берген шағымыңыз Медеу ауданы прокуратурасымен қаралды. Өзіңізге белгілі, 18.09.2018 жылы Медеу ауданы прокуратурасына Сіздің 04.09.2018 жылы ұрып-соғу дерегі туралы жазған шағымыңызды ЖПҚ-нің УПИ Қ.Халыков С.Омиралиевтің үстіне әкімшілік хаттама толтырып, тиісті әрекеттерді жүргізуіне байланысты қараусыз қалдыруды сұраған өтінішіңіз келіп түскен. Осы негізде, Сіздің ЖПҚ-нің УПИ Қ.Халыковтың әрекетсіздігіне берген шағымыңыз қараусыз қалдырылады. Аудан прокуроры С. Ермекбаев
  • Сұрақ №: 45234
    Дата: 07.08.2018 21:41:18
    Аты-жөні: Батырханов Марат
    Сұрақ:
    Сұрақ Құрметті Әділхан Беделханұлы Мен, Батырханов Марат Мауытханович (01.06.1970), Алматы қаласы, Жетісу ауданы, Балхаш көшесі №3/2 үйдің иесімін. Сіздерге хат жіберу мақсатым келесідей: Біздің көршіміз, дәлірек айтсақ Алматы қаласы, Жетісу ауданы, Балхаш көшесі №3 үйдің иесі Есім мырза мен Гауһар ханым (толық аты-жөнін білмейміз) үй салуға және оны рәсімдеуге байланысты өрескел заң бұзып отыр. ҚР Заңына сәйкес жаңа үй салынған кезде көршінің қоршауынан (забор) 2 (екі) метр арақашықтықты сақтау керек екен. Алайда, №3 үйдің иесі үйді салғанда біздің қоршауға (№3/2 үй) 70 (жетпіс) см. арақашықтықта жақын салып, үйдің шатыры біздің жер телімге 10 (он) см. өтіп кеткен. Соның салдарынан жауған жаңбыр суы, қыста түскен қар біздің аулаға түсіп, тереземізге тиеді. Осыны ескерсек, Есім атты азамат заңымызға сәйкес қауіпсіздік ережелерін сақтамай отыр. Екіншіден, үй екі қабатты болғандықтан біздің үйге күн сәулесі түспейді. Біздің аудан сызды жерде орналасқандықтан үй сыз тартып, соның салдарынан денсаулыққа зиян келтіріп тұр. Көршіге біз бірнеше рет ескерту жасағанбыз. Алайда, мардымды жауап ести алмадық, сұрағымызға салғырттықпен қарап, өзімізге қарсы шығады. Заң орындарына жүгінеміз дегенде уақытша құрылысты тоқтақандай сыңай танытқанымен, Есім мырза ішкі құрылыстың барлығын бітіріп, үйді сатылымға қойып қойыпты. Келесі сілтемеде «Крыша» сайтына қойылған осы үйді көре аласыздар (https://krisha.kz/a/show/29840555). Байқағандарыңыздай үйдің сырты суреттерде ұсынылмаған, өйткені бітпеген, яғни «черновой вариантта». Бірақ, біздің таңдануымызға орай таяуда заңсыз жолмен құжат жасатып, көріп тұрғандарыңыздай үйді сатылымға қойып қойған. Осы істі көрші бізге ескертпестен астыртын, еш келісімсіз жасаған. Үйдің бастаған кезде мен арақашықтықтың заңнама бойынша бұзылғандығын ескерткенмін, алайда біз жазда ұзақ уақытқа еңбек демалысына кеткенде екі қабатты үйдің шаттырын жауып үлгеріпті. Үйдің сыртқы жағдайы құжатқа сәйкес келмегендіктен, сатып алушылар үйді сатып алудан бас тартып жатыр. Сондықтан, соңғы 2 күн үйдің сыртын сылауға кірісіп, әзірге 3 қабырғасының жұмысын бітіріп тастады. Түсінгендеріңіздей, 4 қабырғаның құрылысын көршілеріміз бастай алмай отыр. Сөзімізге дәлел бола аларлықтай видео-фото дәлелдер (2016-2018 ж. аралығына тиесілі) бар. Бұл жерде бірнеше өрескел қателіктер болғандықтан, осы жағдайға байланысты қандай іс-шаралар қабылдайсыздар? Біздің келесі қадамымыз қандай болуы керек? Тағы да қосымша қандай заң орындарына жүгінуіміз қажет? Бізге оңынан дұрыс жолын көрсетіп, жауапсыз қалдырмауыңызды сұраймын. Рақмет!
    Жауап күні:
    28 тамыз, 2018 - 18:15
    Жауап:
    Құрметті Марат Мауытханович! Алматы қаласы Жетысу ауданы прокуратурасымен Сіздің Қазақстан Республикасы Бас прокурордың блогына келіп түскен арызыңыз қаралды. Өз аразыңызда Сіз Алматы қаласы, Балхаш көшесі №3 үй иелерінің жердi пайдалану талаптарын бұзу фактісі бойынша шара қолдануды сұрағансыз. Қазақстан Республикасының «Прокуратура туралы» Заңына сәйкес прокуратура органдарында арызды қарау тәртібі өзгерді. Заңының 6, 7 және 21 бабтарына сәйкес прокуратура органдары өтініштерді келесі жағдайларда қарайды: физикалық, психикалық және өзге де мән-жәйларға байланысты өз құқықтарын, бостандықтарын және заңды мүдделерін қорғауды өзі дербес жүзеге асыра алмайтын адамдардың, шектелмеген адамдар қатарының, егер бұл адамдардың өмірі, денсаулығы не Қазақстан Республикасының қауіпсіздігі үшін орны толмас зардаптың құқықтарын, бостандықтарын және заңды мудделерін қоргау үшін. Сонымен қатар, Қазақстан Республикасы Жер кодексінің 145-бабы талабына сай, жерді пайдалану мен қорғауға мемлекеттiк бақылауды орталық уәкiлеттi орган, жерді пайдалану мен қорғауды бақылау жөніндегі уәкiлеттi органдар, өздерінің құзыреті шегінде жүзеге асыратынын түсіндіреміз. Жердi пайдалану мен қорғауды мемлекеттiк бақылауды жүзеге асыратын өзге де мемлекеттiк органдар ретінде сәулет, қала құрылысы және құрылыс iстерi жөнiндегi орган табылады. Осыған орай, Алматы қаласы, Балхаш көшесі №3 үй иелерінің жердi пайдалану талаптарын бұзу фактісі бойынша арызбен жоғарыда аталған уәкiлеттi органдарға шағымдануға құқықты екендігіңізді түсіндіремін. Егерде берілген жауаппен келіспеген жағдайда жоғары тұрған прокурорға немесе сотқа шағымдануға құқылысыз. Аудан прокуроры С.Өтемұратов
  • Сұрақ №: 45078
    Дата: 01.08.2018 20:30:35
    Аты-жөні: Бурлибоева Нилуфар
    Сұрақ:
    Саламатсыздарма?! Мен Оңай бақылаушысы 26.07.2018 жыл сағат 13.25 минут шамасында 70 маршрут тексеріс кезінде билетсіз жодаушылар анықталды. Сол себепті видеоға түсіріп бастадым. Бір жолаушы билетсіз маған телефоныма жұлқына бастады. Мен себебін түсіндіргенге боқтана, айкайлай бастады. Телефонды өшір деген соң телефонды өшірдімде қалтама салайын деп тұрған кеде маған атыла қалды. Жүрек тусыма ауыр соққы тиды. Мен сөйлей алмай қалдым. Есімде қолымды қайырып соткама жармасып тұрғаны. Және жағамнан ұстап айқайлай бастады. Мен түсіндіргеніе тыңдамады. Жолаушыны сыртқа шығуын сұрадым. Маршрут аялдамады 5 минуттай тұрды. Жолаушы шығуға келісті. Сыртқа шыққан кезде әріптестерім болды қасымда ол тағыда боқтанып айқайлап таксиге отырып қашып кетті. Сол арада жағдайыма байланысты 103 шаёырылды. Обласной больницаға алып кетті. 102 хабарласып Жетысу АІІБ келуымды сұрады. Мен өзім барып арыз жаздым. Анықтама (больницадан) көрсеттім. Видео ұсындым. 27.07.2018 жыл Жетысу аудандық номеры 61 роп учасковыйы мені шақырды. Барып жағдайды айтқан кезімде мені кінәлі санап отыр. Маған дәл сол кісі ұрғаны тұралы видео ұсынуымды сұрап тұрып алды. Және ұрған болса көгерген жеріңізді көрсетіңіз деп маған қарсы сұрақтар қойды. Мен қысқаша ары қарай не болады деген кезімде тұрақты жауап бермеді. Міне арадан 7 күн өтті еш қандай хабар жоқ. Учасковый өзім Ибрайим Алмас Ибрайим ұлы деп таныстырды. Өтініш бұл істі аяғына дейін тексерулеріңізды сұраймын.
    Жауап күні:
    29 тамыз, 2018 - 16:01
    Жауап:
    Құрметті Нулифар Алтинбековна! Алматы қаласы Жетісу ауданының прокуратурасымен Сіздің анықталмаған тұлғаға қатысты шара қолдану туралы арызыңыз қаралды. Анықталғаны, Сіздің жазған арызыңыз 26.07.2018 жылы Алматы қаласы Жетісу ауданының Ішкі Істер Басқармасының АЕК-на №187515030016451 санымен тіркелген. Сонымен қатар қарау нәтижесі бойынша, Сіздің арызыңыз Жетісу ауданының Ішкі Істер Басқарма басшысының келісімімен номенклатуралық іске тіркелген. Себебі аталған оқиғада қылмыстық құқық бұзушылықтың құрамы болмауына байланысты. Алайда, анықталмаған тұлғаның іс әрекетінде ҚР «Әкімшілік құқық бұзушылық туралы» Кодексінің 73-2 бабының құрамы бар. Осыған байланысты Сіз қылмыстық қудалау органымен қосымша хабарланатын боласыз. Егер де осы жауаппен келіспеген жағдайда, Қазақстан Республикасының «Жеке және заңды тұлғалардың өтiнiштерiн қарау тәртiбi туралы» Заңының 12 бабына сай оның көшірмесін тіркеп жоғары тұрған прокуратураға немесе сотқа арыздануға құқылы екендігіңізді түсіндіреміз. Алматы қаласы Жетісу ауданының прокуроры С.Утемуратов орын.Шотыков М. тел.2468559
  • Сұрақ №: 44981
    Дата: 29.07.2018 01:37:02
    Аты-жөні: Мұратұлы Жеңіс
    Сұрақ:
    Құрметті! Алматы қаласы Әуэзов ауданының прокуроры Мұрат Әжінұрұлы. Мен 27 шілде 2018 жылы Алматы қаласы Әуэзов ауданының ішкі істер басқармасына болған оқиғаны арыз ретінде жазып кеттім. Осы жазған арызым бойынша, істі бақылауға алуыңызды өтініп сұраймын.
    Жауап күні:
    7 тамыз, 2018 - 16:22
    Жауап:
    Ж. Мұратұлы Алакөл ауданы, Үшарал қаласы, Сейфулин к., 38 үй, Алматы обл., 041600 Құрметті Жеңіс Мұратұлы! Сіздің, Ауэзов ауданның ІІБ-ның қызметкеріның іс-әрекеттеріне қатысты жазған арызыңыз қаралды. Бұзақылық фактісі, Қазақстан Республикасының Қылмыстық кодексінің 293 бабының 1 бөлігімен СДТТБТ №187513031004080 санымен тіркелген. 27.07.2018ж., Ауэзов ауданның ІІБ-ның анықтаушысы Д. Нурманов ҚР ҚПК-нің 60, 179, 180, 189, 198 баптарына сәйкес №187513031004080 санды қылмыстық істі өз өндірісіне қабылдау және сотқа дейінгі тергеп-тексеруге кірісу қаулысының шығарылғандығы туралы назарыңызға беремін. Қазақстан Республикасының Қылмыстық-процестік кодексінің 99 бабына сай, қылмыстық процеске қатысушылар сотқа дейінгі тергеп-тексеруді жүзеге асыратын адамға, қылмыстық процесс барысында маңызы бар мән-жайларды анықтау, өтiнiшхатпен жүгінген тұлғаның немесе өздері өкілдік ететін тұлғаның құқықтары мен заңды мүдделерiн қамтамасыз ету үшiн процестік әрекеттерді жүргiзу немесе процестік шешiмдерді қабылдау туралы өтiнiшхаттармен жүгінуге құқылысыз. Осы берілген жауаппен келіспеген жағдайда жоғарғы тұрған прокуратураға немесе сотқа жүгінуге құқылысыз. Әуэзов ауданының прокуроры әділет кеңесшісі М. Тлеубердиев : Сапарбаев Д.И. : 249-49-47
  • Сұрақ №: 44629
    Дата: 16.07.2018 12:05:39
    Аты-жөні: Жұмабаева Сәуле
    Сұрақ:
    Мен 13.07.2018 ж.Наурызбай аудандық мемлекеттік кірістер басқармасына Наурызбай аудандық сотының судьясы Қалжігітов Б.Е.-мен №7585-18-00-2/3519 қаралған азаматтық іс бойынша 27.06.2018 ж. шығарылған, 13.07.2018 ж. күшіне енген ұйғарым негізінде, 24.05.2018 ж. түбіртекке сәйкес Алматы қалалық Наурызбай аудандық мемлекеттік кірістер басқармасына төленген 15 000 (он бес мың) теңге мемлекеттік баж алымын қайтарып алу мақсатында тиісті нысанда өтініш толтырып, қажет құжаттарды жинап бардым. Аталған органның "есеп және аудит" бөлімінің қызметкері Ашимова Алия менің өтінішімді қабылдаудан бас тартып, басқа бір органдарға баруымды айтты. Ашимова Алияның шешімімен келіспегендіктен "есеп және аудит" бөлімі бастығы Нағашбай Гүлмираға жолығып, істің мән-жайын түсіндірдім, бірақ, Нағашбай Г.-да маған басқа органға, атап айтқанда АО "Казпочтаға" баруымды айтты,не себепті, қандай негізде менің өтінішімді қабылдамай отырғандарыңызды жазбаша түрде жазып берсеңіздер деген өтінішіме, "біз ештеңе жазбаймыз", мемлекеттік орган ретінде АО "Казпочтадан" қажетті ақпаратты өздеріңіз сұратып алуларын өтінгенімде,"біз сұрата алмаймыз" деген жауаптар алдым. Мен аталған органға заңды негізде жүгініп отырмын, жоғарыда аталғандардың негізінде, Жеке және заңды тұлғалардың өтiнiштерiн қарау тәртiбi туралы Қазақстан Республикасының Заңының 7,10,14,15-б.б. негізінде, сұраймын: 1. Менің өтінішімді қабылдаудан тиісті нысанда жазылған дәлелді жауапсыз бас тартуы, АО "Казпочтадан" Наурызбай аудандық мемлекеттік кірістер басқармасы-мемлекеттік орган ретінде, өтiнiшімдi белгiленген тәртiппен қарау үшiн қажеттi ақпаратты сұратуға және алуға деген өтінішімді қабылдамауы қаншалықты заңға сәйкес,Наурызбай аудандық мемлекеттік кірістер басқармасы қызметкерлері тарапынан заң нормаларының талаптары бұзылып оытрған жоқ па? 2. Сот ұйғарымы, мемлекеттік баж алымының төленгендігін растайтын түбіртек, ҚР-ның тиісті заң нормалары негізінде, менің өтінішімді қабылдап, 15 000 теңге көлемінде төленген мемлекеттік баж сомасын мен көрсеткен банктік шот деректемелеріне аударуларын;
    Жауап күні:
    25 шілде, 2018 - 08:35
    Жауап:
    С. Ж. Жұмабаеваға Қалқаман-2 ы-а Алматы қаласы Құрметті Сәуле Жұмабайқызы! Наурызбай аудандық прокуратурасымен Сіздің мемлекеттік кіріс басқармасының қызметтерінің әрекетіне және төленген мемлекеттік баж салығын қайтару туралы арызыңыз қаралды. Қазақстан Республикасы Салық және бюджетке төленетін басқа да міндетті төлемдер туралы (Салық кодексі) 548-бабына сәйкес төленген мемлекеттiк баж сомасы: іс бірінші және апелляциялық сатылардағы соттарда тараптардың татуласу келісімімен, дауды (жанжалды) медиация тәртібімен реттеу туралы келісіммен немесе дауды партисипативтік рәсім тәртібімен реттеу туралы келісіммен аяқталған жағдайда – толық көлемде, кассациялық сатыдағы сотта – сот актісін кассациялық тәртіппен қайта қарау туралы өтінішхат берген кезде төленген соманың 50 пайызы мөлшерінде және өзге де жағдайларда iшiнара немесе толық қайтарылуға жатады. Бюджетке төленген мемлекеттік баж сомасын салық төлеушінің банктік шотына қайтаруды салық органдары оның мемлекеттік баж сомасын төлегені туралы төлем құжаты қоса берілген салықтық өтінішінің, сондай-ақ тиісті органның оны қайтару үшін негіз болып табылатын құжатының негізінде жүргізеді. Сот оның пайдасына іс бойынша тарап болып табылатын мемлекеттік мекемеден мемлекеттік бажды өндіріп алу туралы шешім шығарған төлеушіге мемлекеттік баж сомасын қайтаруды салық органы мемлекеттік баждың бюджетке төленгені туралы төлем құжаты мен заңды күшіне енген сот шешімі қоса берілген мемлекеттік баж төлеушінің салықтық өтініші негізінде жүргізеді. Бюджетке төленген мемлекеттік баж сомасын қайтаруды ол төленген жердегі салық органдары, қайтаруға салықтық өтініш берілген күннен бастап он бес жұмыс күні ішінде мемлекеттік баж сомасы есебіне жазылған бюджеттік сыныптаманың тиісті кодынан жүргізеді. Мемлекеттік баж сомасын қайтаруды жүзеге асырғаннан кейін салық органы салық төлеушіге және (немесе) мемлекеттік мекемеге сот шешімінің орындалғандығы туралы хабарлама жібереді. Мемлекеттік баж сомасын қайтару құжаттары салық органына мемлекеттік баж сомасы бюджет есебіне жазылған күннен бастап үш жыл мерзім өткенге дейін табыс етілуге тиіс. Сонымен қатар, Қазақстан Республикасының «Жеке және заңды тұлғалардың өтініштерін қарау тәртібі туралы» Заңының 7-бабына сәйкес, осы Заңда белгiленген тәртiппен берiлген өтiнiштер мiндеттi түрде қабылдануға, тiркелуге, есепке алынуға және қаралуға тиiс. Өтiнiштi қабылдаудан бас тартуға тыйым салынады. Жеке және заңды тұлғалардың өтiнiштерiмен жұмысты ұйымдастырудың, қабылдаудың, тiркеудiң және есепке алудың жай-күйi үшiн субъектiлердiң басшылары мен лауазымды тұлғалар дербес жауаптылықта болатындығын түсіндіремін. Жоғарыда айтылғандардың негізінде, Сізге Наурызбай ауданы бойынша Мемлекеттік кіріс басқармасына тиісті өтінішпен арыздануыңыз қажет. Осы жауаппен келіспеген жағдайда, заңда көрсетілген тәртіпте оған шағым келтіруіңізге құқығыңыз бар. Аудан прокуроры Н. Серікұлы орын. Нұрғазыев О. тел. 370 00 35

Беттер

Шрифт өлшемі
Қалыпты нұсқа
Үлкен өлшем
Үп-үлкен өлшем
Сайт түстері
Ақтың бойымен қара
Қараның бойымен ақпен
Көгілдірдің бойымен қара көкпен
Суреттер
Суреттерді өшіру/қосу
Теңшелімдер
Теңшелімдер
Normal version
Normal version
Мәтіндегі қателік:
Қате туралы хабарлағыңыз келсе "Хабарламаны жіберу" батырмасын басыңыз.