You are here

Сұрақ-жауап

  • Сұрақ №: 40995
    Дата: 14.03.2018 12:21:22
    Аты-жөні: Жанықұлов Садық
    Сұрақ:
    Қайырлы күн! 13-нші наурыз күні корпоратаивтік клиент ретінде такси Лидер компаниясына мына +727 356 10 86 нөмеріне хабарластым, өкінішке орай қазақша сұрағыма дөрекі сөйлеп, жауап бермей тұтқаны лақтыра салды, бірнеше рет солай менің ұлттық намысымды жерге таптады, соңында өзінің славян ұлтының өкілі есімі Ирина Гутова және келесі жолы орысша сөйлеуге мәжбүр екенімді түсіндірді, мұндай жағдай қайталанбас үшін шара қолдануыңызды өтінемін.
    Жауап күні:
    29 наурыз, 2018 - 18:36
    Жауап:
    С.С. Жанықұловқа Қазақстан Республикасы Бас Прокурорының блогы Құрметті Садық Садықұлы! Сіздің «Лидер» атты ЖШС қызметкерінің мемлекеттік тілді меңгермеуіне қатысты жазған арызыңыз қаралды. Арызда көрсетілген уәждерді тексеру мақсатында Сіздің арызыңыз Алматы қаласы Тілдерді дамыту басқармасына жолданғанын және оның қарау нәтижесін аталған басқармадан алуға болатынын хабарлаймыз. Сонымен бірге, блогтың негізгі мақсаттарының бірі ол азаматтармен тікелей байланыс орнату, уақытылы көмек көрсету және қажетті ақпаратпен тексеру іс-шараларын жүргізусіз қамтамасыз ету болып табылатынын түсіндіреміз. Одан басқа блог қызметін пайдалану талаптарына сәйкес: қылмыстық, азаматтық және әкімшілік істер бойынша, сондай-ақ тексеру жүргізу, прокурорлық ықпал ету шараларын қолдану, заң нормаларын түсіндіру туралы шағымдар мен өтініштер прокуратура органдарына арнайы әкеліп тапсыру, пошта арқылы жолдау немесе www.115.kz электронды порталына жіберу арқылы жүзеге асырылатынын мәлімдейміз. Сондай-ай, www.115.kz электронды порталына өтініш жолдау үшін Халыққа қызмет көрсету орталығынан электронды сандық қолтаңба (ЭСҚ) алу қажет.
  • Сұрақ №: 40350
    Дата: 22.02.2018 13:09:05
    Аты-жөні: Белагашева Разия
    Сұрақ:
    9 жыл аралығында өкіметең тйесілі баспанамды ала-алмай жүрмын , Қарасай ауданын ЖКХ бөлімінен естейтінім бір жауап берелітің үй жоқ. Мені балалар үйіңде кезек койып, қолыма тізімінің көшірмесін берген. Еңдігі уақытта кімен сөлесем не болмаса кім бөл мәселені шешіп бере алады. 87011717677 байланыс нөмірім.
    Жауап күні:
    27 ақпан, 2018 - 17:02
    Жауап:
    Құрметті Разия Мухтарқызы! Алматы қалалық прокуратурасымен Сіздің, баспана ала алмай жүргендігіңіз туралы жазған арызыңыз қаралды. Сіз баспана алу жөнінде Алматы облысының тұрғын үй басқармасында кезекте тұруыңызға орай, осы өтінішіңізбен аталған мекемеге арыздануыңыз қажет екендігін түсіндіремін. Егер тұрғын үй басқармасы тарапынан Қазақстан Республикасының «Тұрғын үй қатынастары туралы» Заңының талаптары бұзылғандығы анықталса, онда Сіз бұзылған құқықтырыңызды қалпына келтіру мәселесімен Алматы облысының прокуратурасына немесе сотқа шағымдануға құқылысыз. Сонымен қатар, блог қызметін пайдалану талаптарына сәйкес: қылмыстық, азаматтық және әкімшілік істер бойынша, сондай-ақ тексеру жүргізу, прокурорлық ықпал ету шараларын қолдану, заң нормаларын түсіндіру туралы шағымдар мен өтініштер прокуратура органдарына арнайы әкеліп қолма-қол тапсыру, пошта арқылы жолдау немесе www.115.kz электронды порталына жіберу арқылы жүзеге асырылатындығын назарыңызға жеткіземін. Ол үшін Сіз, www.115.kz электронды порталына өтініш жолдау үшін Халыққа қызмет көрсету орталығынан (ХҚКО) электронды сандық қолтаңба (ЭСҚ) алуыңыз қажет. Алматы қаласы прокурорының орынбасары Б.Адамов Орынд. Б.Қожабекова Тел. 2204314
  • Сұрақ №: 40149
    Дата: 16.02.2018 12:25:55
    Аты-жөні: БЕРДИБАЕВА МАДИНА
    Сұрақ:
    Салеметсизбе менин сурайын дегеним менин кредитке алган машинамды банк кайта алып койды.Менин 2021 жылга дейн толейтин срогым болатын алу себеби мен отбасылык жагдайларга байланысты толей алмадым енди банк машинамды берми жатыр толык толем жаса дейди бул каншалыкты занды мен толей алмаган айларды толеп кайта алуыма болмайдыма енди рахмет
    Жауап күні:
    21 ақпан, 2018 - 11:23
    Жауап:
    Бердибаева М.А. Құрметті Мадина Абдраевна ! Алмалы аудандық прокуратурасымен Сіздің екінші деңгейлі банкке қатысты несие шартын орындамауыңызға байланысты автокөлігіңізді алып қоюы бойынша ҚР Бас Прокурорының Блогына жазған арызыңыз қаралды. Азаматтық заңдармен тауар-ақша қатынастары және қатысушылардың теңдiгiне негiзделген өзге де мүлiктiк қатынастар, сондай-ақ мүлiктiк қатынастарға байланысты мүлiктiк емес жеке қатынастар реттеледi. Кепiлге салынған мүлiктен ақы өндiрiп алу негiздерi Қазақстан Республикасының Азаматтық Кодексінің 317 бабында көретілген. Осы баптың 1 бөлігіне сай борышқор өзi жауап беретiн кепiлмен қамтамасыз етiлген мiндеттеменi орындамаған немесе тиiсiнше орындамаған ретте кепiл ұстаушының (несие берушiнiң) талаптарын қанағаттандыру үшiн кепiлге салынған мүлiктен ақы өндiрiп алуы мүмкiн. Алайда 2 бөлігінде кепiлге салынған мүлiктен ақы өндiрiп алудан бас тартылуы мүмкiн ретінде егер борышқордың кепiлмен қамтамасыз етiлген мiндеттеменi бұзуы өте болмашы болып және соның салдарынан кепiл ұстаушы талаптарының мөлшерi кепiлге салынған мүлiктiң құнына көрiнеу сәйкес келмеуі көрсетілген. Бұл бір мезгілде мынадай жағдайлар болған кезде, яғни: 1) орындалмаған міндеттеменің сомасы (тұрақсыздық айыбы (айыппұл, өсімпұл) есепке алынбастан) тараптар кепіл туралы шартта айқындаған, кепілге салынған мүлік құнының он пайызынан кемін құрағанда; 2) кепілмен қамтамасыз етілген міндеттемені орындау мерзімін өткізіп алу кезеңі үш айдан кем болғанда, кепілмен қамтамасыз етілген міндеттемені бұзу өте болмашы және кепіл ұстаушы талаптарының мөлшері кепiлге салынған мүлiктiң құнына анық мөлшерлес емес болып табылады. Қазақстан Республикасы Азаматтық процесстік кодексінің 8 бабының 1 бөлігіне сай, әрбір адам бұзылған немесе даулы конституциялық құқықтарын немесе заңмен қорғалатын мүдделерін қорғау үшін осы Кодексте белгіленген тәртіппен сотқа жүгінуге құқылы. Аталған заңнамаға сай Сіз банктің автокөлігіңізді алып алуына байланысты туындаған дау мәселесі бойынша тиісті талап арызбенен сотқа жүгіну құқығыңыздың бар екенін түсіндіреміз. Сонымен қатар, айта кететін жайт, ол Сізбенен бұл ретте туындаған дауды сотқа дейін өзара реттеудің тәртібін қолдану мүмкіндігі жойылмаған. Осыған орай, Сіз, несие алынған Банкке өзіңіздің несиені төлеу бойынша міндеттемеңізді уақытылы орындау мерзімін өткізіп алу себептерін, яғни өзіңіздің материалдық және отбасылық басқа да туындаған дәлелді себептеріңізді көрсетіп бұл мәселенің шешімін табу үшін тиісті арызбенен Банкке жүгінуіңізге болады. Алматы қаласы Алмалы ауданының прокуроры м.у.а. Б.Ертаев орын.Омашева А.А. ж.т.272-08-11
  • Сұрақ №: 39911
    Дата: 08.02.2018 14:45:00
    Аты-жөні: Шайхиев Айдар
    Сұрақ:
    Салематсізба! Мені 15.10.17ж мен 15.11.17ж аралығында, ТОО "Аким и К" директоры Темиров Акимжан Омерович,мекен жайы Толе би көшесі 285, Күзет бастығы лауазымына жүмысқа алды да 1 айдан кейін штаттың қысқаруына байланысты жұмыстан шығарды.Сол аралықтағы жалақымды бермей келді.Жұмыс істеп жүргенде құжаттарымды өткіземін дегенде,өткізбей тұра тұр,өз қалтамнан нақа төлеймін деді. 120 000тенге бермекші болды.Желтоқсан айының 25 іне артынан қуып жүріп 100 000 тенгені жорға алдым.Қалған 20 000тенгені бермей қойды,қайда барсаң онда бар дейді.Мен түсінемін құжаттарымды өткізбегеніме өзім кіналімін,білмедім 1 айдан кейін шығарып жіберетінін.Көмектесулеріңізді сұраймын 20 000тенге менің таңғы 7.00ден кешкі 21.00 деін істеген еңбегім,Темиров Акимжан Омировичтің заңнан қорықпағаны ма? Менің құқығымды бұзды деп есептеймін. Рахмет
    Жауап күні:
    12 ақпан, 2018 - 17:41
    Жауап:
    А.С. Шайхиевке Сіздің "Аким и К" ЖШС-не қатысты шара қолдану туралы арызыңыз, Алматы қаласының прокуратурасымен қаралды. Блог қызметін пайдалану талаптарына сәйкес: қылмыстық, азаматтық және әкімшілік істер бойынша, сондай-ақ тексеру жүргізу, прокурорлық ықпал ету шараларын қолдану, заң нормаларын түсіндіру туралы шағымдар мен өтініштер прокуратура органдарына арнайы әкеліп қолма-қол тапсыру, пошта арқылы жолдау немесе www.115.kz электронды порталына жіберу арқылы жүзеге асырылатынын түсіндіремін. www.115.kz электронды порталына өтініш жолдау үшін Халыққа қызмет көрсету орталығынан (ХҚКО) электронды сандық қолтаңба (ЭСҚ) алу қажет. Сондай-ақ, еңбекақыны төлемеу дерегі бойынша шара қолдану үшін Алматы қалалық еңбек инспекциясына шағымдануға болатынын түсіндіремін Қала прокурорының орынбасары Қ. Мамаев орынд. Б. Ештаев тел. 265 02 50
  • Сұрақ №: 39866
    Дата: 07.02.2018 14:56:59
    Аты-жөні: Аязбеков Дастан
    Сұрақ:
    Менің сұрақ қояйын дегенім мен 2017 жылы moneyman компаниясынан 150 000 теңге көлемінде ақша алған болатынмын. Оферта бойынша мен 30 күн ішінде ақшаны 200 000 теңге үстемақысымен қайтаруым қажет болған. Бірақ қаржылық қиындықтарға байланысты қарызды уақытылы қайтара алмай ай сайын 60000 теңге көлемінде төлеп 200 000 теңге қайтардым. Бірақ жоғарыда аталған компания күніне 7000 теңге көлемінде өсімпұл жазып, қазірді таңда мен төлеген 200 000 теңгеге қосымша 400 000 теңге төлеуді талап етіп отыр. Осыған байланысты компанияның талаптары мен шарттары заңдыма соны білгім келеді. Алдынала рахмет
    Жауап күні:
    12 ақпан, 2018 - 11:36
    Жауап:
    Құрметті Дастан Аязбеков! Алматы қаласы Медеу ауданы прокуратурасымен Сіздің «Онлайн Финанс» ЖШС-ң қарыз-шартында қойылған талаптарын заңды немесе заңсыз екендігі туралы жазған арызыңыз қарастырылды. Анықталғаны, Сіздің және аталған ЖШС араларыңызда туындаған қатынас, азаматтық құқықтық қатынас болып табылады. Қазақстан Республикасының Азаматтық іс жүргізу кодексінің 23-ші бабына сәйкес соттар азаматтық қатынастардан туындайтын даулар бойынша істерді қарайды. Сонымен қатар, Қазақстан Республикасының Азаматтық кодексінің 8-шы бабының негізінде азаматтық құқықтарды қорғауды сот: құқықтарды мойындату; құқық бұзылғанға дейiнгi болған жағдайды қалпына келтiру; құқықты бұзатын немесе оның бұзылу қаупiн туғызатын әрекеттерге тыйым салу; мiндеттi заттай орындатуға ұйғарым шығару; моральдық зиянның өтемiн төлету алу арқылы жүзеге асырады. Аталғанның негізінде, Сіз өзіңіздің құқығыңызбен заңды мүддеңізді қорғау үшін өз бетінше азаматтық іс жүргізу заңдарымен реттелетін тәртіпте, жауапкерлердің тұрған жері бойынша сотқа талап арызбен шағымдануға құқылы екендігіңізді түсіндіремін.

Беттер

Шрифт өлшемі
Қалыпты нұсқа
Үлкен өлшем
Үп-үлкен өлшем
Сайт түстері
Ақтың бойымен қара
Қараның бойымен ақпен
Көгілдірдің бойымен қара көкпен
Суреттер
Суреттерді өшіру/қосу
Теңшелімдер
Теңшелімдер
Normal version
Normal version
Мәтіндегі қателік:
Қате туралы хабарлағыңыз келсе "Хабарламаны жіберу" батырмасын басыңыз.